Tuesday, May 5, 2009

എന്നത്തെയും പോലെ ഒരു വരിയില്‍ ഒരു കിറുക്കവിത..!!




വരാമായിരുന്നൂ നിന-

ക്കൊരിക്കലെങ്കിലുമീ ജന്നല്‍പുറ-

ത്തഴികള്‍ നീക്കിയിരുന്നു ഞാ -

നൊഴിച്ചിരുന്നൊരു ജനല്‍പോള-

യൊരു വെയില്‍ചീളു പോലു-

മടുത്തു നോക്കാതെ യിരുള് മാത്രമെരിച്ചുവെച്ചൊരു

മുറി ; യൊരിക്കലെങ്കിലും

വരണ്ട തൊണ്ടയായ്

തളര്‍ന്നു വന്നീടില്‍

പകര്‍ന്നു തന്നിടാനൊരു

ചില്ലു പാത്രം നിറഞ്ഞ ചുടു ചോര -

യുടലു വയ്യായ്കില്‍

ചുരുണ്ടൊന്നുറങ്ങുവാന്‍

ചിതലരിച്ചൊരു മുള്ള് പായ്‌

ഒന്നൊളിച്ചു ചുംബിക്കുവാ-

നീയിരുള്‍പ്പോള-

യറിയാമെനിക്കൊരിക്കലെങ്കിലും

വരാതെ വയ്യ നിന;

ക്കതു മാത്രമാണീയിരി -

പ്പെനിക്കൊന്നു

തനിച്ചിരിക്കുവാ-

നീ ജനലരികേയിരിപ്പൂ ...

ഇരിക്കുന്നു ഞാന്‍.....!!

1 comment:

  1. വരുവാന്‍ തോന്നിലും
    പകച്ചു നിന്നവന്‍
    പാതി കലങ്ങി
    കറുത്ത തീരങ്ങളില്‍..!

    ReplyDelete